Farskólinn - miðstöð símenntunar á Norðurlandi vestra er sjálfseignarstofnun. Stofnaðilar að skólanum eru skólar, sveitarfélög, stéttarfélög og fyrirtæki og stofnanir á Norðurlandi vestra.

Á yfirliti yfir námskeiðin kemur ekki fram hvenær námskeiðin byrja. Fólk er hvatt til að skrá sig sem fyrst, hafi það áhuga. Lágmarksfjöldi á námskeið er yfirleitt 8 þátttakendur. Námskeið hefjast um leið og lágmarksþátttöku er náð. Farskólinn vekur athygli á að skráningum á námskeið lýkur 15. október vegna haustannar 2009.

Allir sem greiða í stéttarfélög eiga rétt á styrk til greiðslu á námskeiðum og fer upphæð styrkja eftir hve lengi hefur verið greitt til stéttarfélags og um hvers konar námskeið er að ræða.
Styrkir geta verið allt frá 50% vegna tómstundanámskeiða og allt að 75% vegna annarra námskeiða.
Farskólinn  hvetur fólk til að kynna sér vel rétt sinn til styrkja hjá stéttarfélagi sínu.